BioSoft – intim zonalar uchun sprey

БиоСофт

ҚЎЛЛАШ БЎЙИЧА ЙЎРИҚНОМА

Чиқарилиш шакли: спрей кўринишидаги сувли-спиртли дамлама 100 мл

Таркиби:

Фаол компонентлар:

Фаол компонентлар хусусиятлари

Қизилмия илдизлари (фаоллаштирилган глицирризин кислота) иммунитетни оширувчи, вирусга қарши, яллиғланишга қарши, қичишишга қарши ва регенерацияловчи (тикловчи) хусусиятларни ўз ичига олган комплекс таъсирга эга ва бу таъсир тери ва шиллиқ пардаларнинг тикланишини таъминлайди. Фаоллаштирилган глицирризин кислотаси дастлабки босқичларда вирус репликациясини тўхтатади, капсиддан вирионнинг чиқишини келтириб чиқаради ва шу билан, унинг ҳужайраларга кириб боришини олдини олади. Фаоллаштирилган глицирризин кислотаси нормал фаолият кўрсатадиган ҳужайралар учун токсик бўлмаган концентрацияларда ушбу вирусларни фаолсизлантиради.

Хлоргексидин кенг спектрли таъсирга эга антисептик бўлиб, кўплаб гинекологик касалликларни даволашда муваффақиятли қўлланилади. Патоген микроорганизмларга зарарли таъсир кўрсатадиган бактерицид ва бактериостатик хусусиятларга эга.

Тирноқгул экстракти антисептик, яллиғланишга қарши, спазмолитик, сафро ҳайдовчи, бактерицид, яраларни битказувчи воситадир. Тирноқгул гуллари таркибидаги биологик фаол моддалар (флавоноидлар, алкалоидлар, C витамини, аччиқ моддалар, фитонцидлар, каротин, шиллиқ, сапонинлар, танинлар, эфир мойи, органик кислоталар) микробларга қарши, яллиғланишга қарши ва ўртача даражада сафро ҳайдовчи таъсирга эга.

Иттиканак экстракти яллиғланишга қарши, микробларга қарши, диуретик (сийдик ҳайдовчи), аллергияга қарши, қон тўхтатувчи, тер ҳайдовчи, антисептик ва ярани битказувчи таъсирга эга.

Дарахтсимон алоэ экстракти гинекологияда қисқа вақт ичида клиник симптомларда ижобий динамикага олиб келади. Гинекологияда ушбу доривор ўсимлик дори-дармонларни қабул қилишга қарши кўрсатмалар бўлганда, бачадон бўйни эрозиясини ёки бепуштликни даволаш учун ишлатилади.

Мойчечак гуллари экстракти ноёб кимёвий таркибга эга, бу уни турли хил тиббий мақсадларда қўллаш имконини беради. Тўпгули таркибида витаминлар, органик кислоталар, биофлавоноидлар, кумаринлар, фитостерин, оқсил ва танинлар, полисахарид бирикмалар ва бошқалар мавжуд.

Кенг доирадаги доривор хусусиятлари туфайли мойчечак гулларининг (Matricaria) асосий даволаш-профилактик хусусиятларига қуйидагилар киради:

Бактерияларга қарши, яллиғланишга қарши, спазмолитик, томирларни кенгайтирувчи, оғриқ қолдирувчи, тинчлантирувчи, тер ҳайдовчи, сафро ҳайдовчи, қон тўхтатувчи ва бошқалар.

Оққалдирмоқ ўти экстракти – Оққалдирмоқ ўтининг фойдали хусусиятлари узоқ вақтдан бери маълум. Бу ўсимлик кўп асрлар давомида нафақат турли касалликларга қарши курашиш учун ишлатилган, балки яллиғланиш ва шишни бартараф этиш, шунингдек, касалликларни келтириб чиқарадиган зарарли бактерияларга қарши курашда организмни қўллаб-қувватлаш хусусиятига ҳам эгадир. Бундан ташқари, оққалдирмоқ ўти сийдик-таносил тизими муаммоларини даволаш учун ишлатилади. Бунинг сабаби шундаки, у оғриқли спазмлар билан курашишда, бактерияларга қарши курашда ёрдам беради ва ножўя симптомларни, шу жумладан яллиғланишни бартараф этади. Сийдик-таносил тизимида қандай касалликлар кузатилишидан қатъий назар, бу гиёҳ беморнинг аҳволини жиддий равишда яхшилаши, шишларни ва оғриқни йўқотиши мумкин. Бактерицид таъсири, яллиғланишни бартараф этиш ва майда яраларни даволаш хусусияти туфайли Оққалдирмоқ кўпинча турли касалликларда қўлланилади.

“BIOSOFT” қуйидаги касалликларни олдини олиш ва комплекс давоси сифатида тавсия этилади:

– Турли хил этиологияли колпитлар;

– Папилломавирус инфекцияси;

– Цервицит;

– Замбуруғли вагинит;

– Бактериал вагиноз;

– Бачадон бўйни эрозияси;

– Полиплар;

– Эндометриоз;

– Тери қичишиши;

– Бачадон бўйни ва қиннинг гинекологик санацияси учун;

– Жинсий йўл билан юқадиган касалликларни олдини олиш учун;

– Эркаклар ва аёлларда уретра санацияси учун

Қўллаш мумкин бўлмаган ҳолатлар

Препаратнинг таркибий қисмларига нисбатан юқори сезувчанлик.

Ножўя таъсирлари

Препаратнинг таркибий қисмларини индивидуал кўтара олмаслик.

Камдан кам ҳолларда маҳаллий аллергик реакциялар, жумладан контакт дерматит кўринишидаги аллергик реакциялар кузатилиши мумкин.

Дорилар билан ўзаро таъсирлашуви

Кўрсатиб ўтилган касалликларни комплекс даволашда қўлланиладиган асосий дорилар гуруҳлари (антибиотиклар ва антисептиклар; яллиғланишга қарши ва оғриқ қолдирувчи воситалар) билан ўзаро таъсирлашуви аниқланмаган.

Қўллаш усули ва дозалари:

Ташқи томондан, интравагинал, интрауретрал.

Қўллашдан олдин баллон силкитилади. Қўллаш вақтида баллон вертикал ҳолатда ушланади. Ташқи қўллашда препарат бутун зарарланган тери юзасига 4-5 см масофадан клапанни 2-3 марта босиш билан пуркалади, бу оптимал терапевтик доза ҳисобланади.

Препаратни интравагинал қўллаш учун махсус пуркагичли мослама қўшиб берилади. Пуркагич баллонидан клапан ечилади ва насадка клапани кийгазилади. Кейин насадка қинга киритилади ва насадкани 3-4 марта босиш орқали пуркалади, бу оптимал терапевтик доза ҳисобланади.

Эркаклар томонидан қўлланилганда, ташқи қўллашдан ташқари, препарат пуркагич клапанини 2-3 марта босиш орқали сийдик ажратувчи каналнинг ташқи тешигига ҳам сепилади.

Жинсий аъзолар соҳасида шиллиқ қаватнинг қичишиши, ачишиши ва қуриши билан кечадиган дискомфорт белгилари бўлганда – бир кунда 2 марта (эрталаб ва кечқурун) 2-3 ҳафта давомида қўлланилади. Дискомфорт ҳолатини олдини олиш учун жинсий алоқадан кейин мунтазам қўллансин.

Вирусга қарши профилактик восита сифатида препаратни жинсий алоқадан олдин ва кейин қўллаш тавсия этилади.

Ҳомиладорлик даврида (айниқса, сўнгги ойларда) бачадон бўйни қин қисми ва унга туташ қин бўлимларидаги муолажалар даволовчи шифокор томонидан буюрилгандек ёки аниқ кўрсатмалар мавжуд бўлгандагина эҳтиёткорлик билан бажарилиши керак.

Махсус кўрсатмалар

Насадка қайнатилган сувда совун билан ювилади ва бириктирилган ПЭ қадоқда сақланади.

Насадка конструкцияси бачадон бўйни ва қин деворларига суюқлик бир хил етиб бориш эффектини сақлаб қолишга имкон беради.

Самарали таъсири учун сепиладиган жойни олдиндан ювиш шарт эмас.

Яроқлилик муддати, сақлаш қоидалари ва шароитлари: 2 йил. 25⁰C дан юқори бўлмаган хона ҳароратида қуруқ жойда сақлансин.

Ишлаб чиқарувчи: “BIONORM” МЧЖ, Тошкент вилояти, Қибрай тумани, Меҳрибон кўчаси, 29-уй.

Тел: +99891 788 – 40 – 80.